Brazili ja kalon Italisë për numrin e viktimave nga koronavirusi

Brazili numëron më shumë të vdekur nga koronavirusi sesa Italia. Të enjten në mbrëmje, vendi raportoi se kishin humbur jetën edhe 1,473 pacientë të tjerë.

Më shumë se 34,000 njerëz kanë vdekur deri tani dhe ka më shumë se 580,000 infeksione të konfirmuara në Brazil.

Për tri ditë me radhë, numri i viktimave ka qenë një rekord më vete. Ndërsa në Itali deri tani janë regjistruar 33.689 të vdekur.

Presidenti Jair Bolsonaro është shprehur shumë pak për krizën, por duke folur dje në rrjetet sociale, ai përsëriti zhgënjimin për masat e izolimit që kishin marrë drejtuesit. Sipas tij, dëmi i kolateralit nga virusi do të ishte më i keq se ata që kanë humbur jetën.