Brazili regjistroi fitoren e radhës në kualifikueset e Katar 2022 . Selecao mundi 2-0 Paraguajin në ndeshjen e gjashtë të këtij turneu.
Skuadra e Tite nisi gjithcka në mënyrën më të mirë pasi Nejmar zhbllokoi rezultatin vetëm pas katër minutash lojë. Pas këtij goli , Brazili u kthye në mbrojtje duke u bërë një mur i pakalueshëm për vendasit më këta të fundit që nuk kishin fuqi për të ndryshuar fatet e lojës.
Për këtë arsye në minutën e 93, Brazili shënoi dhe golin e dytë me ish-futbollisti e Milanit , Lukas Paketa, që vulosi dhe rezultatin përfundimtar të kësaj sfide me shifrat 2-0. Një sukses tërëisht i merituar për Brazilin që ruan vendin e parë dhe thellon dhe më shumë diferencën në gjashtë pikë me Argjentinën e vendit të dytë. Kjo e fundit nuk shkoi më shumë se një barazim 2-2 ndaj Kolumbisë. Pjesa e parë foli e gjitha për Argjentinën që shënoi 2 gola brenda pak minutash .
Fillimisht me Romero dhe pak minuta më vonë me Paredes. Mirëpo vendasit u kundërpërgjigjën në të dytën.
Muriel dhe Borja i mohuan festën argjentinasve që pas 6 ndeshjes e shohin veten në vendin e dytë me 12 pikë dhe Kolumbia mbetet e pesta me tetë pikë. Në ndeshjet e tjera , Venezuela -Uruguaji u mbyll pa gola ndërsa Kili barazoi 1-1 me Bolivinë.
