Ndërsa na ndajnë edhe 2 ditë nga 25 prilli, kandidati për deputet i LSI-së në qarkun e Korçës, Endrit Braimllari ftoi qytetarët që të marrin pjesë masivisht në zgjedhje, me qëllim dënimin e PS-së.

Ai deklaroi se ka denoncuar publikisht disa drejtorë të rilindjes në Korçë mbi abuzimet që sipas tij ata bëjnë në emër të qytetarëve korçarë.

“Të dashur qytetarë korçarë. Kemi qenë gjatë gjithë kësaj kohe në komunikim të drejtpërdrejtë, ku nga zyrat qendrore të LSI kemi bërë denoncime konkrete për Niko Peleshin, Sotiraq Filon dhe disa drejtorë të rilindjes në Korçë mbi abuzimet që ato bëjnë në emër të qytetarëve korçarë, duke përdorur rëndë administratën publike, por edhe duke shkelur ligjet e institucioneve publike në vendin tonë. Unë sot në fakt prisja një reagim zyrtar nga Rilindja në Korcë për t’i hedhur poshtë këto akuza, por nuk ka reagim. Pse nuk ka reagim të dashur qytetarë? Nuk ka reagim sepse janë të kapur gafil me fakte dhe prova konkrete. Janë të kapur gafil sesi këto njerëz abuzojnë në emër të qytetarëve korcarë.”

Braimllari u shpreh se Korça drejtohet nga një bandë e kryesuar nga Niko Peleshi, teksa shtoi se 99 për qind e qytetarëve zhyten çdo ditë në varfëri ekstreme.

“Ndaj të dashur qytetarë korçarë, 25 prilli është një ditë e rëndësishme për të gjithë ju. Është një ditë e rëndësishme për të marrë pjesë masivisht, sespe 25 prilli na ndan njëherë e përgjithmonë nga një politikë e vjetër klienteliste e cila mendon vetëm për interesin e saj personal. Duhet të merrni pjesë masivisht për ta dënuar me votë rilindjen në Korçë dhe në të gjithë Shqipërinë, sepse banda e Niko Peleshit nuk mund të mbajë peng qytetin e kulturës dhe të traditës shqiptare. Ndaj unë ju ftoj të votoni masivisht LSI-në, të votoni masivisht numrin 6, numrin e shpresës, numrin e mundësive të punësimit, numrin e shanseve të barabarta për të rinjtë dhe të rejat korçare.  Unë ju ftoj të votoni për këtë ekip të jashtëzakonshëm, i cili do t’i kthejë shpresën Korçës, duke krijuar mundësi punësimi dhe shanse të barabarta për të rinjtë dhe të rejat korçare.  Ne do ta bëjmë Korçën shtëpinë tonë, do ta bëjmë Shqipërinë shtëpinë tonë, sepse ne e duam vendin dhe duam që Korca të lulëzojë ekonomikisht.”

Leave a Reply

Your email address will not be published. Required fields are marked *