Kandidati për deputet i LSI në Korçë, Endrit Braimllari hodhi akuza ndaj kandidatit socialist, Niko Peleshi se po shfrytëzon pozicionin për të siguruar sa më shumë vota. Ai paralajmëroi se provat sesi po përdoret administrate publike për fushatë do t’i bëjë publike shumë shpejt.
Gjatë një interviste për edicionin qendror të lajmeve në “Vizion Plus”, Braimllari deklaroi se një sjellje tillë e Peleshit vjen për shkak të frikës nga humbja.
“Po shfrytëzon pozicionin e ministrit, po përdoret administrata publike në funksion të fushatës së tyre në Korçë. Po bëjnë edhe emërime fiktive në institucionet e tyre, për të krijuar idenë sikur po hapen vende të reja pune për fushatë. Do të bëj publike edhe provat kur të më thërrasin në SPAK. Janë prova të patjetërsueshme. Fryma opozitare kundër Edi Ramës, do të jetë uragan më 25 prill. Ndaj edhe Niko Peleshi është në ankth sepse socialistë të ndershëm po i afrohen LSI. I kapur në panik, ai po përdor çdo instrument.”
Zgjedhjet e 25 prillit, u shpreh Endrit Braimllari, do të jenë jashtë çdo parashikimi për LSI.
