Borusia Dortmund iu rikthye fitoreve ne javën e 25 te bundesliges, duke mbajtur ritmin për nje vend ne Champions sezonin e ardhshëm. Ne Signa Iduna Park verdhezinjte munden me rezultatin minimal 1-0 Ingolstad, duke u ngjitur ne kuotën e 46 pikëve, tre me pak se Lajpcigu i vendit te dyte ne renditje. Për te thyer murin e kundërshtarit, vendasve iu deshën vetëm 14 minuta kur Shmelzer dhuroi nje top per te Obamejang, i cili me te majtën mposhti portierin e Ingolstad. Për sulmuesin nga Gaboni goli me numër 23 ne kampionat, dy me shume se Levandosvki ne krye te renditjes se golashënuesve. Gjithsesi nje fitore aspak e lehte per skuadrën e Tomas Tuhel ne pjesën e pare ne prove pas tentativave te Lezcano dhe Kittel. Edhe ne pjesën e dyte Dortmund ne vështirësi per te krijuar raste, ndërsa kundërshtari u mundua te godiste me kundërsulm. Skuadra e parafundit ne renditje pati dy raste te pastra ne fund me Matip dhe Leckie, por pa arritur te barazonte shifrat e takimit, duke mbetur ne kuotën e 19 pikëve dhe me te gjitha gjasat do te jete nje nga dy skuadrat qe do te përshëndetet direkt nga bundesliga ne fund te sezonit.
Marseja humbi shansin per t’iu afruar zonës europiane sezonin e ardhshëm, teksa nuk shkoi me shume se barazimi ne Lil ne javën e 30 te kampionatit francez. Rrjeta te paprekura ne stadiumin Pier Moro me skuadrën e teknikut Rudi Garcia, qe edhe pse e dominoi takimin nuk arriti te zhbllokonte shifrat. Me ketë barazim Marseja qe u ngjit ne kuotën e 46 pikëve, 4 me pak se vendi i katërt Lion, qe ne fakt ka nje ndeshje mjaft te vështire ne Paris kundër kampioneve ne fuqi te Francës.
