Kryeministri britanik Boris Johnson kaloi natën e dytë nën kujdes intensiv pas nevojës për oksigjen në kushtet e përkeqësimit të sëmundjes. Ekspertët shëndetësore bëjnë të ditur se Johnson nuk është intubuar por ai nuk do të jetë në gjendje të vazhdojë detyrën për një ose dy muaj.
Ata shtojnë se ndoshta do të duhet deri në verë që kreu i ekzekutivit të marrë veten plotësisht. Douning Street siguroi se gjendja e kryeministrit 55-vjeçar ishte e qëndrueshme. Gjatë kësaj kohe, sekretari i punëve të jashtme Dominic Raab do të zëvendësojë shefin e qeverisë.
Në të gjithë vendin numërohen më shumë se 6 mijë të vdekur dhe rreth 56 mijë të infektuar. Britania e Madhe, ndryshe nga shtetet e tjera ka identifikuar më shumë raste me covid 19 në moshat e reja ndërsa dy të mitur 5 dhe 8 vjecarë e humbën betejën me sëmundjen.
Sistemi shëndetësor po përballet me një presion në rritje pas mbingarkesës së shkaktuar nga pandemia. Ndërkohë zyrtarët në Londër po mbështesin gjithnjë e më shumë strategjinë gjermane të testimit në masë të popullatës për idetnifikimin e të infektuarve asimptomatikë.
XHONSON “BRAKTIS” DETYREN
KRYEMINISTRI NE GJENDJE TE STABILIZUAR, POR NUK KTHEHET DOT NE ZYRE