Situatë e rëndë paraqitet në zonat malore të Qarkut të Korçës. Më shumë se dhjetë fshatra në njësitë administrative Moglicë dhe Gorë në Bashkinë e Maliqit prej tre ditesh janë bllokuar.
Nga ana tjetër të bllokuar janë edhe shtatë fshatra në Njesine Administrative Dardhës ashtu siç kanë vështirësi të mëdha në qarkullim banoret e fshatrava Propetisht, Trebinjë e Velçan të kësaj Bashkie.
Të bllokuar janë edhe banorët e fshatit Panarit si dhe disa fshatra të Njesisë Administrative Lekas në Bashkinë e Korçës. E veshtirë paraqitet situata edhe në disa fshatra të Devollit të Sipërm. Nga ana e Bashkive po punohet për normalizimin e situatës, por ulja e temperaturave ka shtuar vështirësinë pasi prania e akullit në rrugë është shumë e madhe.
Ndaj dhe për këtë policia rrugore ju ka kërkuar drejtuesve të mjeteve të shmangin lëvizjet në zonat malore ndërkohë që duhet të përdorin zinxhirët në të gjitha rrugët e tjera rurale. Burime pranë OSHEE bëjnë më dije se nuk ka pasur probleme me furnizimin me energji elektrike.
