Ambasadori i OSBE-së në Shqipëri, Bernd Borchardt ka nënvizuar se komisioni I posacëm duhet të gjejë një zgjidhje për reformën zgjedhore brenda vitit. Në një intervistë për Zërin e Amerikës, Borchardt gjithashtu rekomandon se ndryshimi I sistemit duhet të ndodhë të paktën një vit përpara zgjedhjeve.
“Do të doja të theksoja që, për ne, gjëja më e rëndësishme janë rekomandimet. Duket se ato janë element themelor edhe në debatin e BE-së, prandaj ne do ta nxitim komisionin e posaçëm për reformën zgjedhore të punojë në këtë drejtim dhe të gjejë një zgjidhje, maksimumi deri në fund të vitit.”
Bernd Borchardt ka nxitur partinë demokratike që së paku të marrw pjesë në diskutimet e komisionit.
“Nëse Partia Demokratike dëshiron ta bëjë këtë në një format tjetër dhe të pasurojë diskutimet – dhe unë e di që ata kanë ekspertë të shkëlqyer – ne do të ishim të gatshëm t’i ndihmonim.”
Ambasadori I ka bërë thirrje prokurorisë që të punojë më intensivisht në zbardhjene krimeve elektorale dhe dënimin e tyre.
“Pas zgjedhjeve të 2017-s, pati rreth 400 akuza për blerje vote. Policia dërgoi rreth njëqind në prokurori dhe, në raportin e fundit të prokurorisë, thuhej që katër hetime vazhdonin. Kjo është shumë pak. Unë e nxis prokurorinë të punojë shumë intensivisht për të gjitha shkeljet, qofshin presion i paligjshëm ndaj zgjedhësve, qofshin shitblerje të votës apo shkelje të tjera.”
Duke folur për spekulimet mbi zgjedhdjet e parakohshme, Borchardt kujton se Shqipëria ka një kushtetutë dhe sipas saj, zgjedhjet zhvillohen në vitin 2021.
