“Boko Haram sulmon me fëmijë kamikazë”

Te dhëna tronditëse zbulon nje raport i fundit i organizatës se Kombeve te Bashkuara per Femijet, UNICEF, sipas te cilit grupi terrorist Boko Haram ka rritur numrin e fëmijëve qe përdor per te kryer sulme kamikazë. Vitin e kaluar nje ne pese sulme është kryer nga fëmijë, mes tyre edhe te moshës 8-vjeçare. Rritja është dramatike, nga 4 ne vitin 2014 ne 44 ne 2015-en.
Ajo qe tërheq vëmendjen është fakti se shume vajza jane përfshirë ne keto sulme ne Kamerun, Niger, Cad e Nigeri. Ato kane rrefyer se shpesh kane dale vullnetare per t’i shpetuar abuzimit te vazhdueshëm seksual, martesave te detyruara me luftëtaret, apo edhe urise.
Sipas UNICEF, 1,3 milionë femije jane marre forcërisht nga shtepite e tyre ne kater shtete afrikane. Si pasoje e pasigurisë dhe sulmeve terroriste, me shume se 670 mije femije nuk ndjekin mesimin prej me shume se nje viti ne vendet ku vepron Boko Haram. Ky ndryshim taktike, i vene re pak kohe me pare edhe tek Shteti Islamik reflekton humbjen e territorit te grupit ne Nigeri.