Bojkot masiv në fakultetet e Tiranës, studentët mbërrijnë para Ministrisë së Arsimit

Në fakultetet e Tiranës, studentët kanë bojkotuar auditoret dhe kanë dal në protestë.

Nga Mjekësia, Ekonomiku, Filologjiku, Politekniku e deri te Drejtësia, sot nuk po zhvillohet mësim.

Protesta ishe parashikuar të niste në orën 14:00, por studentët e kanë nisur revoltën e tyre më herët.

Pas marshimit nga fakultetet, studentët janë bashkuar në qendër dhe kanë mbërritur para Ministrisë së Arsimit.

“Ne e mbështesim protestën. Duam kushte më të mira”, shprehen studentët.

Bojkotit i janë përgjigjur pozitivisht edhe studentët e Elbasanit.

Ndërsa në Korçë dhe Gjirokastër, mësimi ka vijuar normalisht.