Ish-deputeti i PD, Luçiano Boçi hodhi poshtë deklaratat e qeverisë dhe Komitetit të Ekspertëve se shkollat nuk janë vatra të nxehta të përhapjes së koronavirusit.
Teksa publikoi mesazhe të dy qytetarëve, Boçi tha në rrjetet sociale se ka me qindra fëmijë e mësues të infektuar.
Sipas tij, kryeministri Edi Rama nuk po jep asnjë mbështetje për ta.
“Si tha Rama me ministren e tij fasadë?! “Shkollat janë vendet më të sigurta se çdo vend tjetër nga Covid-19”!!!!? Mashtrim më spektakolar se ky nuk gjen! Mashtrim-20 në analogji me covid-19. Ndërkohē e vërteta është krejt ndryshe. Mësuesit që kanë humbur jetën janë me dhjetra! Mësues të infektuar janë me qindra! Fēmijē tē infektuar janë me mijëra! Dhe asnjë masë financiare të dedikuar ndaj tyre. Shkollat i janë dorëzuar pandemisë, sepse Rama nuk do të harxhojë asnjë qindarkë për kujdesin ndaj nxënësve, ndaj prindërve të tyre e ndaj mësuesve. Mjaftojnë këto dy mesazhe mes qindrave, që ngrejnë alarmin për gjendjen në shkolla dhe hedhin poshtë mashtrimet e Ramës dhe fasadës së tij.”
