Sa herë vjen muaji nëntor hapet i njëjti debat mbi historinë e kombit tonë, debati për datat e ceremonisë, 28 apo 29 është një debat që na shoqëron prej vitesh. Këtë vit në qendër të vëmendjes dhe të debatit është vënë kthimin e eshtrave dhe ceremonisë së zhvilluar për të Mid’hat Frashërin.
Në Real Story këtë të enjte në një panel të ftuarish historianë dhe studiues u vë në qendër të vëmendjes roli dhe figura që ka Mit’hat Frashëri në historinë e kombi tonë. Kthimi i eshtrave të Mit’hat Frashërit në vendin tonë është vlerësuar nga të ftuarit si një vendim i drejtë nga qeveria.
Në fjalën e tij studiuesi i historisë Erald Kapri, ka thënë se qeveria kreu detyren e saj ndaj një figurë të patjetërsueshme të kombit shqiptar, siç është Mid’hat Frashëri.
Ndërkohë historiania Sonila Boçi është shprehur se Mid’hat Frashëri ishte një kontribues i rëndësishëm në jetën politike dhe kulturore të vendit tonë.
“Çdo njeri qe ben histori nuk mund ti shmanget gjykimit te publikut. Mid’Hat Frasherit po i behet skaneri ne te gjitha dimensionet e tij.”
Sipas historianit Marenglen Kasmi, qëndrimi që po i bëhet në opinionin tonë publik, po dëmton figurën e Mid’hat Frashërit.
