Zvominir Boban, legjendë e futbollit botëror, është dorëhequr nga posti i rëndësishëm i kreut të futbollit në UEFA.
Largimi i befasishëm i Boban lidhet me kundërshtinë e tij për ndryshimet e pritshme në mbledhjen e radhës së komitetit ekzekutiv të UEFA-s, ndryshime që do t’i lejonin presidentit aktual Aleksandër Ceferin që të kandidojë sërish për këtë post edhe në vitin 2027, në përfundim të tre mandateve.
Me statutin aktual, presidenti i UEFA-s nuk lejohet të zgjidhet më shumë se tre herë.
Përmes një letre publike, boban shkruan se Ceferin në këtë mënyrë po shkel ato parime të lidhura me demokracinë e institucionit të cilat ai vetë i kishte mbështetur që në vitin 2017.
Zvonimir Boban, emër i madh i futbollit kroat dhe i Milanit, e mori postin e shefit të futbollit në UEFA në vitin 2021 duke zhvilluar disa projekte të rëndësishëm në më pak se 3 vite punë./vizionplus.tv
