Sekretari i Përgjithshëm i PL, Tedi Blushi, i ftuar në Quo Vadis të moderatores Pranvera Borakaj në Vizion Plus, tha se arrestimi i Veliajt ditën e hënë u bë me urdhër të Ramës, i cili kërkoi të sfumojë ardhjen e Chris LaCivita në Tiranë.
Por për socialistin Petro Koçi, kjo është qesharake. Ai tha se nuk ka mbiemër në botë që të mund të qytetërojë dhe t’i përmirësojë imazhin Sali Berishës.
Pjesë nga biseda:
Blushi: Biem në një mendim të përbashkët se fakti që kjo strukturë shkel ligjin e bën strukturë kriminale. Kemi të bëjmë me një strukturë kriminale. Unë jam përfaqësues i një forcë politike ku Presidenti i së cilës është rrëmbyer nga persona të maskuar, të armatosur, se kanë lejuar të kontaktojë avokatin. E kanë rrëmbyer, për një orë nuk e dinim ku ndodhej. Pra një rrëmbim kriminal, i cili i jep përgjigje gjithë këtij diskutimi. Kemi të bëjmë me një strukturë kriminale. Ka hyrë në fushatë në krah të PS.
Borakaj: Pse duhet ta merrnin Veliajn?
Blushi: Ju harroni një fakt që ditën që Veliaj u arrestua në Tiranë ishte një nga ngajrjet më të mëdha të opozitës, atë ditë erdhi arkitekti i fitores së Donald Trump në Tiranë. Atë ditë Rama jo vetëm fshiu foto me Aleksin, por i faturoi Veliajt edhe prindin 1 e prindin 2.
Koçi: Nuk ka mbiemër LaCivita të zbukurojë Sali Berishën. Dy ditë pasi iku ky la Civita, pamë sërish Berishën sa i dhunshëm është. Të thuash që bënë një arrestim për të sfumuar këtë lajm të madh, kjo nuk ka vend.
Mediu: Chris LaCivita është drejtues i Partisë Republikane, ai nuk ka nevojë ti mësoj gjë unë.
Koçi: Po ku e njeh ky Berishën mo, ku e njeh Shqipërinë.
