Mijëra njerëz janë mbledhur sërish këtë të hënë në rrugët e Minskut kundër presidentit Aleksandër Lukashenko.
Dhjetëra mijëra qytetarë protestuan edhe gjatë të dielës në rrugët e kryeqytetit të Bjellorusisë. Ata mbanin në duar flamuj dhe pankarta duke kërkuar dorëheqjen e Lukashenkos.
Përkrahësit e opozitës në Bjellorusi akuzojnë presidentin për manipulim të procesit zgjedhor te 9 gushtit, ku Lukashenko doli fitues me mbi 80% të votave.
Protestuesit kërkojnë edhe lirimin e të burgosurve politikë dhe hetim të pavarur të dhunës policore.
Forcat ushtarake dhe automjetet e blinduara u vendosën në qendër të Minskut përpara marshimit. Disa stacione të metrosë u mbyllën.
Liderja e opozitës Svyatlana Tsikhanouskaya e cila ndodhet në Lituani, tha se vend i saj ndodhet në një krizë të thellë politike dhe se bjellorusët nuk i besojnë qeverisjes aktuale ndaj është e pamundur t’i ndalosh.
