Presidenti i Kosovës, Hashim Thaçi, ka thënë se dialogu mes Kosovës dhe Serbisë mund të ngrihet në nivel presidencial.
Gjatë një interviste për “Deutsche Welle”, Thaçi është shprehur se fokusi i bisedimeve do të jetë në kontekstin më të gjerë politik për të arritur një marrëveshje që do të çonte në marrëdhëniet e fqinjësisë së mirë, bashkëpunimit, normalizimit dhe pajtimit.
Deklarata e Thaçit ka ardhur menjëherë pas përfundimit të zgjedhjeve të parakohshme parlamentare që erdhi pas mocionit të Nismës për rrëzimin e qeverisë Mustafa.
