Tashmë është e vërtetuar se lidhja mes dy binjakësh është tepër e fortë. Ata e ndjejnë mungesën e njëri-tjetrit, dhimbejn dhe gëzimin e përjetojnë njëkohë.Dy binjakët më të famshëm të momentit, aktorët e “Al Pazar”, Romeo dhe Donald Veshaj, kanë treguar se si është në këtë rast lidhja mes tyre.
Donaldi ka rrëfyer se si ai ka përjetuar përmes ëndrrave gjithçka ishte duke bërë binjaku i tij në të njëjtën kohë.
“Unë po flija gjumë. Ishte drekë. Romeo kishte dalë me një vajzë. Dhe po bënte diçka me atë gocën.Dhe unë isha ky në ëndërr, po shikoja çfarë po bënte ky me sytë e mi. Kam parë gjithçka ka parë dhe ky. Ka ndodhur, dhe fakti që ka ndodhur tregon se ka mundësi të ndodhi prapë.” Ka treguar Donaldi një histori që ka shkaktuar të qeshura dhe habi.
