Tërmeti i 28 marsit që goditi Mianmarin rrafshoi ndërtesat dhe shkatërroi infrastrukturën në të gjithë vendin.
Numri i viktimave vijon të rritet. Të paktën 3,354 persona kanë humbur jetën dhe 4,508 janë plagosur,sipas raportimeve të fundit.
220 të tjerë rezultojnë të zhdukur.
Më shumë se një javë pas katastrofës, shumë njerëz në vend janë ende pa strehë, ose të detyruar të flenë jashtë sepse shtëpitë e tyre u shkatërruan.
Një vlerësim i Kombeve të Bashkuara sugjeron se më shumë se tre milionë njerëz mund të jenë prekur nga tërmeti 7.7 i shkallës Rihter, duke komplikuar sfidat e mëparshme të shkaktuara nga katër vjet luftë civile.
Zyrtari i lartë i ndihmës i OKB-së të shtunën u takua me personat e prekur nga tërmeti në qytetin qendror të Mianmarit, Mandalay, i vendosur afër epiqendrës.
“Shkatërrimi është tronditës,” shkroi Tom Fletcher në një postim në X.
“Bota duhet të mblidhet prapa popullit të Mianmarit”.
Kina, Rusia dhe India ishin ndër vendet e para që ofruan mbështetje, duke dërguar ekipe shpëtimi në Mianmar për të ndihmuar në gjetjen e të mbijetuarve./vizionplus.tv
