Momente ankthi janë regjistruar drejtpërdrejt në Tel Aviv, kur sirenat e alarmit ajror ndërprenë një lidhje live të CNN, duke detyruar gazetaren Erin Burnett dhe ekipin e saj të largohen me urgjencë drejt një strehimi.
Moderatorja po raportonte në kohë reale mbi zhvillimet në Izraeli, kur u dëgjuan sinjalet paralajmëruese për një sulm të mundshëm me raketa. Pamjet tregojnë momentin kur ajo dhe operatorët largohen me shpejtësi për t’u strehuar, ndërsa autoritetet u bëjnë thirrje qytetarëve të drejtohen në bunkerë.
Në video vihet re tensioni në zërin e gazetares, e cila, mes presionit të situatës, përpiqet të vazhdojë raportimin. Incidenti vjen në një periudhë përshkallëzimi në Lindjen e Mesme, pas sulmeve të ndërmarra nga Izraeli dhe Shtetet e Bashkuara ndaj objektivave në Irani, çka ka shtuar tensionet në rajon.
Videoja e momentit është shpërndarë gjerësisht në mediat ndërkombëtare dhe në rrjetet sociale, duke pasqyruar realitetin e vështirë me të cilin përballen si qytetarët, ashtu edhe gazetarët që raportojnë nga terreni.
/vizionplus.tv
