Joe Biden në fjalimin e tij të parë që pas largimit nga Shtëpia e Bardhë, ka kritikuar politikat e mirëqenies së administratës Trump.
Biden nuk iu referua me emër Trump gjatë fjalimit të tij të martën, por tha: “Në më pak se 100 ditë, kjo administratë e re ka bërë kaq shumë dëme dhe kaq shumë shkatërrime. Është disi befasuese”.
Ai e përshkroi sigurimin social si një “premtim të shenjtë”, duke shtuar: “Ne e dimë se sa rëndësi ka sigurimi social për jetën e njerëzve.”
Biden nuk foli për largimin e tij nga Shtëpia e Bardhë apo zgjedhjet presidenciale të vitit 2024 gjatë konferencës, raporton BBC.
Agjencia e Sigurimeve Shoqërore (SSA) siguron të ardhura bazë për njerëzit në SHBA që janë në pension ose nuk mund të punojnë për shkak të aftësisë së kufizuar. Ai mbulon rreth 67 milionë amerikanë, kryesisht qytetarë të moshuar.
Politikanët demokratë kanë akuzuar vazhdimisht administratën për planifikimin e shkurtimeve gjithëpërfshirëse të Sigurimeve Shoqërore.
Anëtarët e Departamentit të Efiçencës Qeveritare të Elon Musk kanë bërë shkurtime të agjencisë që nga shkurti, me synimin për të shkurtuar 7,000 vende pune.
Përpara fjalimit të Bidenit në Çikago, sekretarja e shtypit e Trump, Karoline Leavitt u tha gazetarëve se presidenti ishte “absolutisht i sigurt” për mbrojtjen e përfitimeve për “qytetarët amerikanë dhe të moshuarit që paguajnë taksat që i binden ligjit”.
“Ai gjithmonë do ta mbrojë atë program,” shtoi ajo./vizionplus.tv
