Ambasadori i Bashkimit Evropian, Luigi Soreca ka përshëndetur betimin e Altin Binajt si anëtari i pestë i Gjykatës Kushtetuese.
Në një postim në “Twitter”, Soreca bën thirrje që KED të finalizojë pa vonesa listat për Presidentin për të zgjedhur anëtarët e tjerë që do të vënë në punë Gjykaten Kushtetuese.
Sipas Sorecas, Kushtetuese është kusht për fillimin e tryezës së parë ndërqeveritare mes Shqipërisë e BE për integrimin.
“Sot Altin Binaj është betuar nga Presidenti Ilir Meta, anëtari i 5-të i Gjykatës Kushtetuese. Ne e përgëzojmë dhe i urojmë punë të mbarë. Funksionaliteti i plotë i Gjykatës tani është brenda mundësive, falë përpjekjeve të kombinuara të të gjitha institucioneve. Tani i takon KED-së të finalizojë pa vonesë listat për anëtarët e tjerë që do të emërohen nga Presidenti. Funksionaliteti i plotë i Gjykatës është një hap kryesor për të kompletuar listën e kushteve të nevojshme për fillimin e tryezës së parë ndërqeveritare për bisedimet e pranimit midis BE”, shkruan Soreca.
