Në prag të zgjedhjeve parlamentare, kryetari i Partisë Demokratike, Sali Berisha, ka drejtuar një mesazh të fuqishëm mobilizues për të gjitha strukturat e partisë, nga drejtuesit politikë të qarqeve, kryesitë e degëve, deri te kandidatët për deputetë.
Ai i ka cilësuar këto si ditët vendimtare për fitoren e PD-së, duke kërkuar intensifikim maksimal të fushatës dhe angazhim të përditshëm prej të paktën 16 orësh. Me thirrjen për të bashkuar të gjitha energjitë në shërbim të kauzës “Shqipëria Madhështore”, Berisha përmbylli mesazhin e tij me një fjalë kyçe: Fitore!
“Këto janë ditët vendimtare! Çdo orë kushton sa një ditë!
Intensifikimi i fushatës, puna së paku 16 orë e udhëheqësve politikë të Qarqeve, drejtuesve dhe kryesive të degëve, kandidatëve të listave të mbyllura dhe të hapura, shtabeve elektorale, strukturave të Partisë është vendimtare për fitoren tonë!
Ndaj dhe mobilizoni të gjithë forcat dhe energjitë për përmbushjen e këtij misioni!
“Shqipëria Mashështore”!
Fitore! Përshëndetje, Sali Berisha”/vizionplus.tv
