Ish-kryeministri Sali Berisha ka dale para medias per te denoncuar nje afere sipas tij korruptive shqiptaro- serbe te kryeministrit Edi Rama. Berisha ka deklaruar se ne kundërshtim me ligjin dhe ne mungese te plote te transparencës, Korporata Elektro-Energjitike Shqiptare ka shpallur fitues te nje tenderi per depozitimin e energjisë elektrike, kompaninë serbe “EFT”. Sipas Berishës, procedura e hapjes se tenderit u mbajt sekret, ai nuk u shpall nga Agjencia e Prokurimeve dhe të gjitha ofertat e kompanive u hodhën poshtë pa negociata dhe mbeti vetëm nje kompani, ajo serbe “EFT”.
“Kjo është në kontratë në të cilën nuk ka asgjë të qartë, sipas kësaj kontrate kompania EFT merr në menaxhim të gjithë prodhimin energjetik të kaskadës së Drinit. D.m.th tani është ajo dalzotëse për komercialitetet përfshi shtetin shqiptar dhe ndërkombëtar të shitblerjeve për Shqipërinë. Pra asgjë nuk ka të qartë kjo kontratë. As kushtet e realizimit të kësaj kontrate, as struktura e këtij produkti dhe as baza ligjore, realizimi i kësaj kontrate me gjithë pikat e papërcaktuara të sipërpërmendura, gjë që sjell në pah nje abuzim korruptiv që do vijojë sapo kjo kontratë të aktivizohet”.
Ish-Kryeministri Berisha ka paraqitur edhe nje vendim te entit rregullator te energjisë per anulimin e procedurës.
“Kjo është një nga megaaferat e mëdha korruptive shqiptaro-serbe dhe unë jam këtu për t’i bërë thirrje Prokurorisë të nisë me urgjencë hetimin bazuar dhe në këto dokumenta që tani janë publike në media, ndaj Agron Hatoja, hajdutit me fytyrë njëriu Damian Gjiknuri dhe Edi Ramës. I bëj thirrje prokurorisë së Republikës së Serbisë të ndërmarrë të gjitha hapat e hetimit për këtë aferë megakorruptive shqiptaro – serbe, të cilën kompania serbe e fiton duke eleminuar, në kundërshtim me çdo ligj çdo konkurrent tjetër. Ky insistim patologjik i Ramës për një veprim të tillë brutal, absurd dëshmon edhe një herë se ky njëri gjithçka ndërton mbi bazën e pasurimit të tij personal”.
Por ministri i Energjisë Daminan Gjiknuri ka hedhur poshte akuzat e ish-kryeministrit Sali Berisha. Ne një reagim per mediat, Gjiknuri sqaron se Kontrata për Depozitimin e Energjisë në Kushtet e Prurjeve të Mëdha, nënshkruar ndërmjet KESH sh.a dhe Shoqërisë EFT, nuk i jep të drejta Shoqërisë EFT për të realizuar menaxhimin e Kaskadës së Drinit, por nepermjet saj synohet të maksimizohet prodhimi i energjisë elektrike nga Kaskada dhe optimizohet përdorimi i prurjeve për prodhim energjie duke evituar shkarkimet e ujit pa prodhuar energji. Sipas Gjiknurit, humbja e zgjedhjeve në Dibër e ka lënë me pasoja dhe irrituar shpifësin dixhital.
