Kryedemokrati Sali Berisha, në fjalën e tij këtë të hënë përballë Kryeministrisë, deklaroi se kjo është një javë vendimtare.
Berisha tha se protesta e sotme i paraprin asaj të 24 janarit, e cila, sipas tij, do të jetë protesta më e madhe dhe vendimtare, që do të sjellë zemërimin më të madh të shqiptarëve.
“Kjo protestë dëshmon qëndresën tonë për t’u përballur me këtë narkoqeveri, me këtë organizatë kriminale, armike e betuar e Shqipërisë dhe e shqiptarëve, për t’u përballur deri në largimin përfundimtar nga skena të këtij regjimi, i cili ka shpërfytyruar dhe po shpërfytyron Shqipërinë dhe shqiptarët. Kjo protestë e kësaj jave ka një rëndësi të veçantë, pasi kjo javë është përcaktuese për 24 janarin, protestën më të fuqishme që ka njohur Tirana ndonjëherë, zemërimin më të fuqishëm të shqiptarëve”, tha Berisha.
