Berisha kërkoi t’i tërhiqnin paratë, reagon Kuvendi: Lapsus, s’janë përfshirë dietat në…
Kuvendi i Shqipërisë ka reaguar pas deklaratës së ish-kryeministrit Sali Berisha, i cili i kërkoi Parlamentit të tërheqë mbrapsht shumën e derdhur për muajin shkurt si dieta.
Në një njoftim, Kuvendi sqaron se në llogarinë e Berishës nuk kanë kaluar para për dieta, por është depozituar shuma totale e muajit shkurt, dhe se në kolonën dieta ka qenë një lapsus në publikimin që ata kanë bërë në faqën online.
“Në lidhje me deklaratat e deputetit Sali Berisha, Kuvendi i Shqipërisë bën me dije se në llogarinë bankare të deputetit Sali Berisha, për muajin shkurt është depozituar shuma totale e muajit ku nuk janë përfshirë dietat. Në kolonën dieta është një lapsus në publikimin online, pasi siç mund të verifikohet nga kjo faqe, totali i shumës së derdhur në llogari të deputetit nuk përmban dietat”, njoftoi Kuvendi.
