Ish-kryeministri dhe ish-presidenti i Shqipërisë, Sali Berisha, ka deklaruar më herët se do të hapë një proces gjyqësor, ku do të padisë për shpifje, Sekretarin Amerikan të Shtetit, Antony Blinken, që të mërkurën e 19 Majit, e shpalli Berishën “person të padëshiruar” së bashku me familjen e tij dhe u ndaloi hyrjen në SHBA, për “përfshirje në korrupsion domethënës”.
I ftuar në Spotlight nga Alban Dudushi, në Vizion Plus, avokati Spartak Ngjela është shprehur se hapja e një çështje të tillë kundër SHBA-së në Francë, është jashtë kohës dhe hapësirës.
“Është çështje shumë e rëndësishme. Pale të vejë dhe të mbrohet në Francë ky. Ai është jashtë kohës dhe hapësirës. I di SHBA-të koloni franceze, i hedh në gjyq në Francë. Janë nën akuzë.”
