Deputeti i Partisë Socialiste, Ilir Beqaj ka komentuar këtë të martë në edicionin qendror të lajmeve në “Vizion Plus” sulmet dhe akuzat e bëra në prag të fushatës zgjedhore nga opozita mbi përgjimet e antimafias italiane për grupin mafioz “Ndrangheta”.
“Besoj se nuk është e papritur kjo sjelle e Partisë Demokratike. PD sot është jashtë sistemit politik. Ka angazhim të strukturave të ligjit për të hetuar këtë gjë. Një sipërmarrës që gjoja është akuzuar, ka deklaruar se ka 25 vjet që merret vetëm me furnizimin e oksigjenit për spitalet tona. Besoj se edhe kjo do të jetë flluskë e radhës.”
Po ashtu, ai ka folur edhe për situatën e përmbytjeve në veri të vendit si pasojë e reshjeve të dendura të shiut. Ai tregoi se pas dy javësh, sot u konsiderua e nevojshme ndërhyrja për të zhvendosur në një vend më të sigurt 130 krerë bagëti nga fshati Trush.
“Në krahasim me para pak ditësh, sipërfaqja nën ujë është shtuar. Sot është dashur për herë të parë në këto 2 jave edhe ndërhyrja për të spostuar 130 krerë bagëti në fshatin Trush në një territor më të sigurt. Ka rënie të nivelit nga paraditja deri më tani. Situata në Shkodër është problematike, sepse përzihet edhe liqeni, Drini, Buna, Dajci. Nuk është dashur të spostohet asnjë familje, përveç një rasti të veçantë në Qafë Thore, ku një roje ka qenë i bllokuar prej ditësh, ndërsa sot është mundësuar që ta nxjerrin prej andej.”
