Një super Real Madrid dhuroi spektakël në “Kamp Nou”, duke fituar 4 me 0 në gjysmëfinalen e kupës së mbretit. Rezultat që përmbysi humbjen 1 me 0 të madrilenëve në Santiago Bernabeu, duke bërë që skuadra e Ançelotit të fluturojë për në finale.
Shfaqje e jashtëzakonshme force e Los Blankos në prani të 99 mijë tifozëve, veçanërisht në sajë të një Benzema në nivele të larta, me tre gola të shënuar në shtëpinë katalanase.
Pavarësisht një nisje më të mirë të ndeshjes nga të zotët ë shtëpisë, me kalimin e minutave ishte Reali që ndërtoi raste të rrezikshme me Benzema, Vinisius Xhunior dhe Rodrigo.
Në fund të pjesës së parë ndodh gjithçka. Levandosvki humb një rast të artë dhe në krahun tjetër, Reali shënon me Vinisius Xhunoi, pas një pasimi të Benzema.
Në pjesën e dytë, francezi ishte i papërmbajtshëm, autor i tre golave që shtangën “Kamp Nou-n” në minutat 49, 58 dhe 80, njëri prej të cilëve me penallti. Në finale tani Real Madrid luan kundër Osasunes.
