Ish-shefi ushtarak Benny Gantz ka marrë zyrtarisht postin për formimin e qeverisë së ardhshme të Izraelit, pas dështimit të kryeministrit Benjamin Netanyahu.
Presidenti i Izraelit Reuven Rivlin i ka dorëzuar mandatin ish-shefit të ushtrisë, Gantz, udhëheqësi i partisë Blu dhe Bardhë, ka afat prej 28 ditësh kohë për të formuar një qeveri.
Para se të shpallej fituesi në Izrael janë zhvilluar dy raunde zgjedhjesh, dhe nëse Gantz dështon, vendi do të shkojë në një raund të tretë të zgjedhjeve.
Netanyahu ish kryeministri i cili akuzohet për disa raste korrupsioni, nuk arriti të formojë qeverinë pas zgjedhjeve të muajit të kaluar.
