Benfika humbet dy pike te rëndësishme ne luftën per titullin kampion te këtij sezoni. Ne derbin e vogël te Lisbonës, shqiponjat nuk shkuan me shume se barazimi 1-1 ne Do Restelo përballe Belenenses, ndërsa tashme pritet shkëputja e kryesuesve te Portos me dy dhe Sporting 1 ndeshje me pak.
Shume pak raste ne pjesën e pare ne sfidën e transmetuar ne platformën Tring me dy skuadrat te kujdesshme per te mos i krijuar hapësira kundërshtarit. Edhe pjesa e dyte filloi me tentativa te vogla, ndërsa ne 20 minutat e fundit do te ndodhnin edhe episode me te rëndësishme. Ne minutën e 70 miqtë fituan nje penallti pas nje ndërhyrje te Gonzalo Silva ndaj Franko Servi, ndërsa u duk nje pike kthese per Benfiken per te marre tre piket. Por nga pika e bardhe braziliani Zhonas u hipnotizua nga portieri Mendesh.
Shqiponjat kishin edhe nje tjeter rast me Franko Servin 5 minuta me vone, por pa arritur te zhbllokonin shifrat. Ne minutën e 87 erdhi dhe surpriza e mbrëmjes ku i sapofuturi ne loje Natan surprizoi kundërshtaret kur me nje gjuajtje nga distance kaloi ne avantazh Belenensen. Koha e paket u duk se ishte ne favor te te zotëve te shtëpisë per te administruar rezultatin.
Por emocionet ne kete sfide nuk kishin përfunduar këtu. Gjyqtari akordoi 5 minuta shtese, ndërsa ne te 97 ne nje goditje dënimi ishte golashënuesi Zhonas Engjell dhe djall qe ne nje goditje dënimi realizoi nje super gol duke kthyer gjithçka ne baraspeshe. Nje pike me vuajtje per Benfiken, dy te humbura qe mund t’i kushtojnë shtrenjte per titullin kampion.
