Policia e Fierit ka arrestuar një 37-vjeçari, pasi akuzohet se ka ushtruar dhunë fizike ndaj të atit.
Në pranga përfundoi shtetasi me iniciale O.T., i cili ka qëlluar me sende të forta babain e tij 63 vjeç. Ky I fundit ndodhet në Spitalin Rajonal Fier.
Gjatë kontrollit fizik, 37-vjeçarit iu gjet edhe një thikë.
Materialet i kaluan Prokurorisë pranë Gjykatës së Shkallës së Parë Fier për veprën penale “Dhunë në familje” dhe “Mbajtja pa leje e armëve të ftohta”.