Dekretimi i datës së zgjedhjeve të pjesëshme lokale një ditë më parë nga Presidenti i Republikës Bajram Begaj, shkaktoi debat në opinionin publik, pasi në 9 nëntor do të zhvillohen zgjedhej edhe në Tiranë, edhe pse kryetari i shkarkuar, Erion Veliaj, e ka ankimuar çështjen në Gjykatën Kushtetuese.
Vendikmi i djeshëm i presidentit Begaj u cilësua nga opozita por dhe nga një pjesë e opinionit publik si shkelje e Kushtetutës.
I ftuar në studion e Quo Vadis të moderatores Pranvera Borakaj në Vizion Plus, juristi Marash Logu theksoi se Presidenti Begaj ka shkelur nenin 115-të të Kushtetutës, pasi sipas tij duhet të mos dekretonte zgjedhjet për Tiranën, pa u marrë më parë një vendim nga Gjykata Kushtetuese.
Por sipas tij edhe vetë Gjykata Kushtetuese ka gabuar, pasi me marrjen e ankimit nga ana e Veliajt duhet të kishte njoftuar menjëherë Kuvendin dhe Këshillin e Minsitrave.
Pjesë nga biseda:
Logu: Në vlerësimin tonë është dekret tërësisht në shkelje të Kushtetutës. Neni 115 e ka parashikuar qartë se çfarë ndodh kur një kryetar Bashkie shkarkohet nga Bashkie. Konkretisht kur një kryetar Bashkie ankohet në Gjykatën Kushtetuese, vendimi i shkarkimit pezullohet. Në këtë rast Presidenti i Republikës duhet të priste parstatj të shpallte datën.
Borakaj: Pse nuk priti?
Logu: Ka një pretendim absurd ku sipas të cilit ligji dhe Kushtetuta flasin për gjëar të ndryshme. Neni 115-të parashikon qartë se kur mund të shkakrohet kryetari i një Bashkie. Për shkelje të Kushtetutës dhe Ligjit, kur dënohet dhe kru tre muaj nuk paraqitet në detyrë. Por këto raste duhen lexuar si parashikime brenda Kushtetutës. Çdo rast i shkarkimit të kryetarit të Bashkisë është paraashikuar në nenin 115-të dhe i jep mundësi personit të ankimojë në Gjykatën Kushtetuese. E meta këtu nuk është vetëm e Presidentit, por një gabim të madh ka edhe Gjykata Kushtetuese. Dekreti i djeshëm nuk ka të bëjë vetëm me individin Erion Veliaj, precendenti që krijon dhe asgjesimi i themelit të së drejtës duhet të na interesojë të gjithëve. Ditën e djeshme Gjykata Kushtuetese duhet të kishte njoftuar qoftë Presidentin, qoftë qeverinë që ka marrë ankim dhe nuk duihet të procedohej më tej. Ajo që ndodhi me Presidentitn e Republikës është asgjesim i Gjykatës Kushtetuese. Pasi tani i bie që Presidenti i thotë Gjykatës Kushtetuese se çdo lloj vendimi të marrësh ti nuk më intereson.
