Bashkimi Evropian deklaroi se tensionet në rritje në Izrael dhe Territoret Talestineze nën pushtim janë shqetësuese dhe se palët duhet të ulin tensionet. Përfaqësuesi i Lartë i BE-së për Punë të Jashtme dhe Politikë të Sigurisë, Josep Borrell dha deklarata të ndara lidhur me ngjarjet ku nëntë palestinezë humbën jetën në bastisjen që ushtria izraelite kreu në mëngjesin e një dite më parë në kampin e refugjatëve Xhenin në veri të Bregut Perëndimor nën pushtim dhe për sulmin ndaj një sinagoge në Jreuzalemin Lindor ku humbën jetën shtatë persona.
“Në Bregun Perëndimor bashkë me ngjarjen në Xhenin ka arritur në 30 numri i palestinezëve që kanë humbur jetën. Bashkë me sulmet e fundit terroriste, BE-ja i kupton shqetësimet legjitime për siguri të Izraelit por përdorimi i forcës që shkakton vdekje duhet të jetë vetëm zgjidhja e fundit që duhet të zbatohet”, tha Borrell.
Ai tha se BE-ja është e shqetësuar për tensionet në rritje në Izrael dhe në Territoret Palestineze nën pushtim dhe se i bëjnë thirrje të gjitha palëve që të bëjnë çdo gjë të nevojshme për të ulur tensionet.
Borrell edhe në një deklaratë lidhur me sulmin ndaj sinagogës në Jerezalemin Lindor tha se dënojnë fuqimisht “veprime të tilla të urrejtjes dhe të dhunës jologjike”.
“Ngjarje të tilla theksojnë rëndësinë e rifillimit të bisedimeve të paqes. U bëjmë thirrje të gjitha palëve që të mos reagojnë ndaj provokimeve”, tha ai.
