14.5 milionë euro ka dhënë Bashkimi Europian për Shqipërinë për të bërë censin e popullsisë dhe të banesave për vitin 2020.
Ambasadori BE, Luigi Soreca deklaroi se cesni do të jetë baza e negociatave dhe se ai duhet të bëhet në mënyrë të lirë e vullnetare.
“Censi do të jetë baza e negociatave. Shpresa ime është që negociatat të çelen shumë shpejt. Censi i vitit 2011 shënoi një gurë të rëndësishëm në gjithë BE-në. Edhe në Shqipëri censi u shënua në bazë të të dhënave të Eurostat.”
Sipas Sorecës, censi I vitit 2011 kishte paqartësi pasi nuk arriti të siguronte të drejtat e shqiptarëve që të deklaronin në mënyrë të lirë origjinën e tyre.
“Shqipëria ka ende punë për të bërë për të përmirësuar më tej sistemin statistikor. Kjo është e rëndësishme për të ardhmen e Shqipërisë. BE do vazhdojë ta mbështesë Shqipërinë dhe qytetarët shqiptarë në përpjekjet për të përmbushur standardet e BE”
