Përfaqësuesi i Lartë i BE-së, Josef Borrell, ka kërkuar nga Kosova dhe Serbia që të përmbahen nga çdo veprim, i cili do të kishte pasoja në rajon.

Shefi i diplomacisë së BE ka zhvilluar mbrëmjen e djeshme një telefonatë me Kurtin dhe Vuçiç lidhur me situatën e tensionuar në veri. Ai ka kërkuar nga serbët të kthehen në institucionet e Kosovës.

 

JOSEF  BORRELL

PËRFAQËSUESI I LARTË I BE

 

Tërheqja e serbëve të Kosovës nga institucionet e Kosovës nuk është zgjidhje e mosmarrëveshjeve. Ajo ka potencialin për të përshkallëzuar më tej tensionet në terren. Ne i bëjmë thirrje Serbisë dhe përfaqësuesve të serbëve të Kosovës që të respektojnë obligimet e tyre të dialogut dhe të kthehen në institucionet e Kosovës.

 

Borrell ka kërkuar gjithashtu nga Prishtina që të shtyjë afatin për targat dhe të formojë Asociacionin.

 

JOSEF  BORRELL

PËRFAQËSUESI I LARTË I BE

 

Kuvendi i Kosovës ka ratifikuar Marrëveshjen e Brukselit dhe Gjykata Kushtetuese e Kosovës ka vendosur që Asociacioni duhet të krijohet. Prandaj, themelimi i tij është obligim ligjor për Kosovën.

 

Borrell ka shtuar se është përgjegjësi e palëve që të ruajnë stabilitetin.

 

JOSEF  BORRELL

PËRFAQËSUESI I LARTË I BE

 

Çdo veprim, si djegia e makinave, ose retorika frikësuese që mund të çojë në tensione, është e papranueshme dhe do të shkaktojë një reagim të duhur nga komuniteti ndërkombëtar. BE-ja u kërkon palëve të zgjedhin me zell rrugën e dialogut dhe të përmbahen nga çdo veprim që do të çonte në dhunë dhe konfrontim.

 

Në fund, shefi i BE ka nënvizuar se misionet si NATO dhe KFOR janë të gatshme të ndërhyjnë për të siguruar paqen dhe stabilitetin.

 

 

Leave a Reply

Your email address will not be published. Required fields are marked *