Bayerni i Mynihut është gjithnjë e më afër rikonfirmimit si kampionë të Gjermanisë. Skuadra e trajnerit Ancheloti shkatërroi 6-0 në fushën e vet Augsburgun në javën e 26-të të Bundesligës. Për pasojë tani ekipi ka 65 pikë, plot 13 pikë më shumë sesa Laipcig i vendit të dytë. Me këtë ecuri Bayerni mund të shpallet kampionat pas 3-4 javësh.
Për kroniken e ndeshjes ka pak gjëra për të thënë, pasi dominimi i vendasve ne Allianz Arena ishte total. Levandovski shënoi tre gola në këtë përballje, Tomas Myler dy dhe Tiago Alkantara një tjetër.
Ndjekësi më i afërt i bavarezeve është Laipcig që synon të vazhdojë deri në fund këtë supersezon duke shpresuar ta mbylle si nënkampion. Surpriza e Bundesligës mundi 4-0 në fushën e vet Darmstadt falë dopoetes së Keita dhe golave të Forsberg dhe Orban. Ndërkohe Dortmund humbi vendin e trete ne klasifikim në dëm të Hofenhajm pasi skuadra e trajnerit Tuchel nuk shkoi më shumë se barazimi 1-1 në derbin e Ruhrit kundër Schalkes.
Dortmundi kaloi në fillim në avantazh me Aubamejang në startin e pjesës së dytë ndërsa të zotët e shtëpisë barazuan më anë të Kehrer. Javë pozitive edhe për Megrim Mavrajn. Qendërmbrojtësi i kombëtares i sapokthyer nga dëmtimi ishte titullar në fitoren e rëndësishme 2-1 të Hamburgut kundër ish skuadrës së tij Keln, çka i nxjerr edhe më shumë nga zona e ftohte.
