Pezullohet nga detyra nënkryetari i Bashkisë së Vorës, Gentian Picari, i cili u emërua nga ish-kryebashkiaku Agim Kajmaku. Ky i fundit u shkarkua nga Komisioni Qendror i Zgjedhjeve, pasi ishte subjekt i ligjit të dekriminalizimit.
Para se të shpallej në kërkim, Kajmaku shkarkoi dy nënkryetarët e Bashkisë dhe emëroi Picarin, duke ia kaluar të gjitha kompetencat e kryetarit.
Ndërkohë, vetë Agim Kajmaku akuzohet nga prokuroria për faksifikim formulari e dokumentash, si dhe për ushtrim kompetencash përtej mandatit.
Gjykata ka caktuar masën “arrest me burg” për Kajmakun, i cili refuzon të dorëzohet dhe kërkon lirinë përmes përfaqësimit me avokatin e tij.
