40 persona janë gjobitur dhe iu është hequr leja e drejtimit për shkak se kanë thyer Aktin Normativ duke krijuar grumbullime të palejuara pas orës 17:30 në ambjentit e Teatrit Kombëtar, ditën e enjte. Mes te ndeshkuarve eshte edhe Lulzim Basha, i gjobitur per here te dyte, pasi kete gje e kishte bere edhe per takimet e bera me qyetaret ne Durres.
Në njoftimin e shpërndarë për mediat Policia e Tiranës shton se të enjten pas orës 17:30 ka konstatuar grumbullimin e një grupi qytetarësh pranë Teatrit Kombëtar, shumë përtej fashës orare të qarkullimit dhe në shkelje të çdo rregulli të parashikuar nga Akti Normativ.
Policia e Tiranës, në vijim të monitorimit për zbatimin e masave kufizuese të përcaktuara në Aktin Normativ Nr. 3, datë 15.03.2020 “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”, pas orës 17:30 të datës 14.05.2020, ka konstatuar me shqetësim, grumbullimin e një grupi qytetarësh pranë Teatrit Kombëtar, shumë përtej fashës orare të qarkullimit dhe në shkelje të çdo rregulli të parashikuar nga Akti Normativ. Në zbatim të Aktit Normativ, shërbimet e Policisë kanë proceduar me masat administrative përkatëse, gjobë dhe tërheqje të lejes së drejtimit, shtetasit:
S. D., K. B., G. B., L. B., A. T., V. S., R. B., C. Gj., E. G., A. K., N. L., A. D., R. Z., E. B., A. T., L. S, G. G, A. N., P. Sh, E. K., M. C., R. Ç, Gj. U., F. K., I. S., R. V., B. H., A. F., A. Xh., R. H., D. K., F. S., D. H., A. R., A. Q., G. M., A. S., O. N., M. A. dhe O. H.
Në mesin e atyre që kanë marrë masë administrative janë edhe kreu i PD Lulzim Basha dhe sekretari I përgjithshëm I PD, Gazmend Bardhi të cilët ishin tek Teatri Kombëtar mbrëmjen e të enjtes duke mbështetur protesten e disa aktoreve.
Policia e Shtetit apelon për të gjithë qytetarët, sidomos ata në zonat e kuqe që të respektojnë me rigorozitet oraret e lëvizjes dhe distancimin social.
