Kryetari i Partisë Demokratike, Lulzim Basha ka uruar besimtarët ortodoksë për Pashkën.
Në mesazhin e publikuar në llogarinë e tij të “Facebook”, kryedemokrati uron që e mira të mundë çdo sfidë, dhimbje dhe padrejtësi.
“Drita e ringjalljes i mbushtë zemrat tuaja dhe vatrat e çdo familje shqiptare plot me shpresë dhe besim se e mira do të mundë çdo sfidë, dhimbje dhe padrejtësi.”
I pari që ka uruar besimtarët ortodoksë ishte kryetari i Kuvendit, Gramoz Ruçi. Ndërsa, pak para mesnate kanë uruar edhe presidenti Ilir Meta dhe kryeministri Edi Rama.