Kreu i Partisë Demokratike Lulzim Basha, është ndalur sot në zonën e Ndroqit në Tiranë ku është takuar me fermerët e zonës për të dëgjuar problemet e tyre. Ai tha se gjendja e vështirë ekonomike që po kalon vendi vjen si pasojë e braktisjes që Rama u ka bërë gjysmës së shqiptarëve.
Sipas Bashës qeveria ka dhënë për shqiptarët gjatë tre muajve të pandemisë vetëm 90 milionë euro, një fond i pamjaftueshëm për të mbështetur familjet dhe bizneset e tyre që janë goditur nga pandemia.
Rruga për të dalë nga kjo krizë sipas Bashës janë politikat e reja që ka përgatitur opozita për të mbështetur, tregtarët, fermerët dhe bizneset.
Për fermerët e Ndroqit problem kryesor mbetet infrastruktura, që e bën të vështirë transportin e produkteve të tyre drejt tregjeve.
