Basha: Sa më gjatë qëndron kjo qeveri, aq më keq bëhet jeta për njerëzit
Kryetari i PD-së, Lulzim Basha shkruan se sipas raportit të publikuar nga organizata e pavaruar “Freedom house”, Shqipëria ka probleme të mëdha me demokracinë dhe përfaqësimin.
Përmes një postimi në “Twitter”, lideri demokrat thekson se korrupsioni është në nivelet më të larta dhe kriminelët nuk ndëshkohen nga institucionet e drejtësisë, të cilat i cilëson të kapura nga një parti.
“Sipas Freedomhouse Shqipëria ka rënë poshtë në indeksin politik dhe të drejtave te njeriut. Shqiptarët sot jetojnë në një vend që ka probleme të mëdha me demokracinë dhe përfaqësimin e tyre, me korrupsion në nivelet më të larta, me censurë për mediat, me krimin që nuk ndëshkohet me institucionet e kapura nga një parti. Sa më gjatë qëndron kjo qeveri, aq më keq bëhet jeta për njerëzit. Shqiptarët kërkojnë ndryshim! ditemetemira”, shkruan Basha.
