Një projekt kriminal grabitqar e ka cilësuar kryeopozitari Basha projektin për prishjen e teatrit kombëtar dhe ndërtimin e një godine të re në vend të tij.

Përmes një postimi në facebook lideri demokrat e ka krahasuar atë me ndërtimin e stadiumit të ri, që sipas Bashës ka qëllim kryesor vjedhjen e parave të shqiptarëve.

Ndërsa nuk ka lënë pas edhe projektin e Unazës së Madhe që sërish sipas Bashës bëhet nga një hajdut dhe me firmën e Edi Ramës.

Të gjithë atyre që po kryejnë këtë korrupsion masiv, Basha i ka kujtuar përgjigjen para drejtësisë dhe burgun kujtdo që po abuzon me vjedhjen e Shqipërisë.

 

 

Projekti i teatrit kombëtar është projekt kriminal grabitqar. Ai ka vetëm një qëllim: grabitjen nga Rama të dhjetëra milionave euro. Njësoj si projekti i stadiumit, ku Edi Rama është pronari i vërtetë i gjysmës tij. Njësoj si projekti i unazës ku Edi Rama do vjedhë miliona euro. Një hajdut psiqik që nuk ngopet pa vjedhur të gjithë Shqipërinë.Dua t’i them troç çdo arkitekti të huaj e vendas, çdo funksionari, çdo drejtuesi nga më i parëndësishmi tek Edi Rama se do të përgjigjen para drejtësisë për këtë korrupsion masiv dhe krimin që po i bëjnë pasurive dhe parave publike.Atyre që mendojnë se do të ndërtojnë, dua t’ju them se ndërtimi do të jetë burgu i tyre. Dua t’u them qartë: gropa që mendojnë se do të hapin në truallin e teatrit do të jetë gropa e tyre.

Leave a Reply

Your email address will not be published.