Lideri demokrat, Lulzim Bahsa ka ripërsëritur edhe njëherë qëndrimin se në 30 qershor nuk do të ketë zgjedhje.
Nga bulevardi “Dëshmorët e Kombit”, Basha bëri të ditur para protestuesve se opozita nuk do të bëj asnjë hap dhe se beteja kundër qeverisë do të vazhdojë në çdo qytet e fshat.
Basha tha se 30 qershori do të jetë varreza politike e kryeministrit Rama dhe e Rilindjes. Ai shtoi se kryeministri po shkon drejt grushtit të shtetit.
“Edi Rama marshon drejt gushtit të shtetit, drejt votimeve pa opozitën, me KQZ të paligjshme, me karta identiteti të paligjshme. Ta dijë mirë Edi Rama se nuk ka zgjedhje më 30 qershor, nuk bëhet asnjë hap pas. Aleanca qytetare është në këmbë, beteja vazhdon qytete më qytet, fshat më fshat, demokracia është në këmbë kundër krimit. Çdo tentativë për të provokuar shqiptarët do të dështojë, ndërsa 30 qershori do të jetë varreza politike e Edi Ramës dhe e rilindjes. Këto mesazhe të qarta, që shumëkush prej jush i di fare mirë, i bëjmë sonte të qarta për këdo që nuk i di, nuk do të ketë më në Shqipëri zgjedhje me Edi Ramën, nuk do të ketë proces politik pa dënuar hajdutët e votave. Ky është standardi i Europës dhe Perëndimit. Nuk ka paqe pa drejetësi, nuk ka zgjedhje pa drejtësi.”
Basha deklaroi para mbështetësve të vet se Rama dhe qeveria e tij po provokojnë dhunë për të tërhequr vëmendjen nga skandali I përgjimeve. Sipas Bashës, asgjë nuk do mundet që ta shpëtojë kryeminsitrin Rama nga verdikti qytetarëve, dhe se shumë shpejt drejtësia e pavarur do të flasë.
” Vëllezër dhe motra, basti i vetëm i Edi Ramës është që kjo protestë e sotme të degjeneronte në dhunën e planifikuar nga provokatorët e Edi Ramës, nga veglat e tij qorre. Dhe tani dua t’jua them fare qartë se pse jehona e Bildit, jehona e 339-s, tashmë në shqip, në anglisht, në gjermanisht, dhe çdo gjuhë të Perëndimit ka kapërcyer kufijtë e Shqipërisë. Nuk ka burrë dhe grua shteti që nuk e di se çfarë banditi është kryeministri i Shqipërisë. Ndaj e vetmja mënyrë për të hequr vëmendjen, e vetmja mënyrë për ta mbytur këtë zhurmë ishte skenari i turpshëm i provokimit të dhunës. Dhe kur? Në këtë protestë, më të madhen, më qytetaren, më gjiganden, më evropianen. Rama ik. Por plani i tij dhe i shërbëtorëve të tij dështoi me sukses të plotë. Plani për të tërhequr vëmendjen nga skandali që sot e dëgjon e tmerruar gjithë Evropa, dështoi. Sot ju them me përgjegjëësi të plotë se tiktaku i orës së Edi Ramës po mbaron në çdo kancelari të Evropës dhe të Pernëdimit.”
Ai u zotua se marreveshje mund te kete vetem mbi bazen e parimeve dhe jo pazareve.
“Zotohemi se do te mbrojme me çdo kusht rendin kushtetues me 30 qershor. E drejta eshte ne krahun tone. Poshte kupola kriminale e Edi Rames. Sonte ne vulosim vdekjen politike te Rilindjes.”
