Kryedemokrati Lulzim Basha shprehet se plani ekonomik i PD ka për synim të vendosë vetëm taksimin e sheshtë 9%, prej të cilës do të përfitojnë të gjithë punonjësit si në sektorin privat edhe në publik.
Sipas tij, taksimi i sheshtë do të ndikojë pozitivisht në ekonominë e punonjësve, ndërsa nuk ngurron të kritikojë kryeministrin Edi Rama.
Përmes një videoje në “Twitter”, ai tregon disa shembuj konkretë të përfitimeve të disa kategorive në sektorin publik nga taksa e sheshtë, ndërsa thekson se Rama rriti taksat dhe çmimet, falimentoi bizneset dhe largoi qindra- mijëra shqiptarë nga Shqipëria.
“Me taksën e sheshtë 9% do të përfitojnë TË GJITHË të punësuarit si në sektorin privat ashtu edhe në atë publik, dhe do të rritet fuqia blerëse e shqiptarëve. Më poshtë disa shembuj konkretë të përfitimeve të disa kategorive në sektorin publik nga taksa e sheshtë 9%”, shkruan Basha.
