Lulzim Basha vazhdoi replikat në distancë me kryeministrin Rama në lidhje me shifrat e emigrimit të shqiptarëve gjatë viteve te fundit.
Kryedemokrati thotë se qeveria e Ramës në këto 8 vjet jo vetëm që nuk e ka ndalur këtë fenomen por i ka shtyre edhe më shumë shqioptarët të braktisin vendin, raporton Vizion Plus.
Edi, ti thua se ti nuk ke mënyrë si ta ndalësh emigrimin. Jam në një mendje me ty, ti nuk ke si ta ndalësh. Për 8 vjet me radhë ti jo vetem ke dështuar në parandalimin e emigracionit, por prej keqqeverisjes tënde ai mbërriti rekorde prej qindra e mijëra shqiptarësh që braktisin vendin.
Basha shkruan se PD e ka një plan konkret për të ndaluar këtë fenomen shqetësues.
Po ne e kemi një mënyrë. Ne kemi një plan pune: taksa më të ulëta, thithje të investimeve te huaja, mbështetje financiare për çdo të ri shqiptar që kthehet të punojë e të jetojë në Shqipëri, krijimin e vendeve të reja të punës dhe mbeshtetje e stimulim te sipërmarrjeve të të rinjve.Më 25 prill shqiptarët do të zgjedhin një qeverisje që do ta nxjerrë Shqipërinë nga balta dhe do të na kthejë të rinjtë në atdhe.Shqipëria do të fitojë!
