Kreu i Partisë Demokratike, Lulzim Basha ka udhëtuar drejt Fierit këtë të shtunë për t’u takuar me banorët e zonës. Në kuadër të nismës “Po të dëgjoj”, Basha dëgjoi hallet e qytetarëve dhe u premtoi se ditë më të vira do të vijnë. Ai ndau në “Facebook” një video, ku tregon pjesë nga takimi.
“Me nënat dhe gratë fierake që rrisin fëmijët dhe mbajnë shtëpinë duke u përballur përditë me varfërinë dhe padrejtësitë që rriten. Edhe pse në kushtet e mbijetesës, ato janë me kurajo dhe dinjitet, por edhe me shpresë se #DiteMeTeMira do vijnë për to dhe për familjet e tyre. Sepse fierakët dhe gjithë shqiptarët meritojnë të nesërme më të mirë. #PotëDëgjoj.”
