Lideri i PD, Lulzim Basha “zbuloi” këtë të enjte, në hapje të fushatës elektorale, çfarë i kanë kërkuar qytetarët që ka takuar.
Basha deklaroi se ata kërkojnë ndryshimin dhe premtoi se një gjë e tillë do të bëhet realitet pas 25 prillit.
“Po ju zbuloj sot çfarë më kanë thënë shqiptarët anëkënd Shqipërisë: jemi gati për një ndryshim të madh, por na hiqni këtë peshë që kemi mbi supe. Të gjithë së bashku me 25 prill do të heqim këtë barrë të rëndë nga supet, do të çlirojmë oksigjen dhe energji pozitive për çdo shqiptar.”
