Për Edvin Kullurin, kryedemokrati Lulzim Basha nuk ka asnjë shans që të bëhet lider.
Ai tha në “Quo Vadis” se Basha ka tentuar të imitojë Sali Berishën, Fatos Nanon dhe Edi Rama. Mirëpo, sipas tij, nuk ia ka dalë, duke u bërë një kopje e shëmtuar e tyre.
“Basha përpiqet ta imitojë Ramën. Por duhet të kemi parasysh që është një kopje e keqe. U përpoq të vjedhë nga Berisha, Nano e Rama, por nuk e bën dot. Është si puna e burrit: politikan lind, nuk bëhesh. Nuk ka asnjë shan të bëhet lider.”
Më tej, Kulluri theksoi se demokratët ndihen të papërfaqësuar dhe të zhgënjyer.
“Demokratët ndihen të papërfaqësuar, të zhgënjyer sepse nuk u arrit fitorja. PD duhet të gjejë forcë për të dalë fituese, jo për të dalë në vend të dytë, sepse me Bashën e kemi të sigurt këtë vend.”
Nga ana tjetër, ai u ndal edhe tek ish-kryeministri Sali Berisha, për të cilin tha se me heshtjen e tij, po bëhet palë me Bashën.
“Heshtja ndaj këtij debati është një miratim. Unë e vlerësoj shumë për mënyrën se si e ka drejtuar PD dhe se si e ka dhënë dorëheqjen. Heshtja e tij ndaj mosdorëheqjes së Bashës është një gjë që nuk i shkon kostumit të Berishës.”
