Basha: Dorëhiqem nëse s’hap tunelin e “Rrugës së Arbërit”

“Nëse nuk hap tunelin e rrugës së Arberit do të jap dorëheqjen”. – Ishte ky premtimi që Lulzim Basha u bëri banorëve të Dibrës, në takimin përmbyllës të fushatës në këtë Qark.

Por Basha nuk harroi ti kujtonte sipmatiztëve, se ky ishte një tjetër premtim i pambajtur i Edi Ramës.

Teksa kërkoi votën për numrin gjashtë, basha foli për planin e tij ekonomik, si mundësia e vetme që do ta nxjerrë vendin nga kriza.

Lideri i opozitës tha se me ardhjen e tij në pushtet, institucionet do të punojnë për sigurinë e qytetarëve.

Kryedemokrati ironizoi edhe  daljet e shpeshta të Edi Ramës në televizor.

Basha e akuzoi sërish kryeministrin se në katër vite nuk mbajti asnjë premtim për qytetarët e Dibrës dhe tani është koha për ndryshim.