Ministri i Brendshëm i Kosovës, Xhelal Sveçla shprehu shqetësimin se situata e sigurisë në Veri është rënduar.
Ai nënvizoi se KFOR ka kërkuar kohë, por ende nuk ka asnjë veprim konkret. Në këto kushte, policia e Kosovës është gati t’i heqë vetë barrikadat.
XHELAL SVEÇLA
MINISTRI I BRENDSHËM I KOSOVËS
Po presim që sa më shpejtë barrikadat të largohen, e në qoftë se kjo nuk ndodh, kemi kapacitetet e nevojshme për ta bërë vetë. Zyrtarët policor duhet të kthehen në normalitet. Kjo duhet të ndodhë sa më parë, ose të njoftohemi për pamundësinë e këtij veprimi. Pas kësaj, ne do të marrim masat e nevojshme sipas planeve operacionale që tashmë ka përgatitur Policia e Kosovës. Policia e Kosovës ka në gatishmëri të gjitha kapacitetet e saj dhe vepron në gjithë territorin.
Sveçla po ashtu hodhi poshtë pretendimet se Policia e Kosovës ka lista përmes së cilave po arreston ish-policët serbë.
XHELAL SVEÇLA
MINISTRI I BRENDSHËM I KOSOVËS
Një e pavërtetë që po përdoret në vazhdimësi ka të bëjë me lajmin se kinse Policia e Kosovës ka lista mbi të cilat po arreston ish-policët. Policia e Kosovës nuk ka lista të tilla, nuk ka asnjë listë as për përndjekje, e aq më pak për vrasje të qytetarëve serbë. Kjo është logjika që Serbia ka ushqyer historikisht. Pra, lista bëjnë ata të cilët vranë edhe Oliver Ivanoviçin, e shtypin e torturojnë serbët e padëgjueshëm ndaj Beogradit.
Ministri nënvizoi se çdo ditë ka kërkesa të reja nga ata që i kanë vendosur barrikadat, gjë që tregon se ata kanë humbur arsyen. Sipas tij kerkesa për lirimin e ish-policit Dejan Pantiç, i akuzuar per sulme terroriste, është i papranueshëm.
